Madaxda Dowladda Federaalka ah oo shir uga socdo Madaxtooyada Muqdisho.

Madaxweynaha DFKMG ah iyo Raisal wasaaraha KMG ah Cabdullahi Yusuf Axmed iyo Nuur Xasan Xuseen ayaa waxaa ay shir ku leeyihiin magaalada Muqdisho gaar ahaanna xarunta Villa Somalia.

Shirkaasi ayaa sida la sheegey waxaa uu ku saabsan yahay sidii loo dabcin lahaa ama meesha looga saari lahaa Khilaaf maalmahan u dhexeeyey labada Masuul, khilaafkaasi ayaa waxaa uu soo shaac baxey ka dib markii R/wasaare Nuur cadde uu shaqada ka joojiyey Guddoomiyaha gobolka Banaadir Maxamed dheere, ka dibna uu madaxweynuhu shaqada dib ugu celiyey Maxamed Dheere.

Khilaafkan ayaa waxaa uu dhibaato ku yahay hanaanka hawl fulineed ee dowladda KMG ah oo iyadu soo martey khilaafyo soo jiitamayey oo marba qaar la xallinayey iyadoo khilaafaadkaasi ay sababeen in xubnaha dowladda qaarakood ay noqdaan mucaarad.

Haddii heshiis laga agaaro khilaafka hadda soo dhex galey dowladda waxaa uu keeni karaa inay sii socdaan howlaihii dib u heshiisiinta ee ka furmay Jabuuti bsihii June 2008da, waxaase aad looga cabsi qabaa inuu sii jiitamo khilaafkani taasina dhibaato ayey ku tahay dadka Soomaaliyeed ee doonayey in mar uun xal laga gaaro dagaalada kasocda dalka Soomaaliya. 

RSTV NEWSROOM

Newsroom@rstvonline.com

13432093

© RSTV 2008. All Rights Reserved