Soomaaliya oo soo dhaweysay hadalkii kasoo yeeray Canada ee badaha Soomaaliya.

Wasiirka Gaashaandhiga ee Soomaalia Md.Muxudiin Xaaji Maxamed ayaa sheegay inay aad usoo dhaweynayaan hadalkii kasoo baxay waddanka Canada ee ay ku sheegeen inay ilaalo usoo dirayaan xeebaha Soomaliya si ay u ilaaliyaan Maraakiibta halkaasi isaga goosha.

Wasiirka oo xafiiskiisa kula hadlayey dadka wararka faafiya ayaa sheegey in badaha Soomaaliya ay yihiin kuwa ugu khatarsan badaha caalamka waxaana uu sheegey inay had iyo jeer halkasi ka dhacaan afduub loo geysto maraakiibta adduunka ee isticmaasha meelaha ku dhow xeebaha Soomaaliya.

Wasiirka oo hadalkiisa sii wata ayaa waxaa uu tibaaxay in dalka Soomaaliya aanu awood u lahayn inay ka hortagaan burcadda ka ugaarsata xeebaha Soomaaliya isla markaasna afduubta maraakiibta ganacsiga iyo waliba kuwa sida mucaawinada loogu tala galey dadka dhibaateysan ee ku nool Soomaaliya.

RSTV NEWSROOM

Newsroom@rstvonline.com

13432093

© RSTV 2008. All Rights Reserved