Wariyeyaal ajaanib ah oo lagu afduumey inta u dhaxaysa Muqdisho iyo Afgooye.

Sida laga helayo warar ka imaanaya magaalada Muqdisho ayaa waxay tibaaxaayaan in laba wariye oo shisheeye ah lagu afduubtey wadada u dhaxaysa Muqdisho iyo Afgooye.

Wararku waxaa ay sheegayaan in dadkaasi ajanabiga ahi ay doonayeen inay wararka ka tiraan arrimaha ku saabsan nolosha dadka ku nool iyo Muqdisho iyo dadka ku barakacey dagaalada ka dhacayey degaanadaasi.

Wariyeyaashani waxaa ay u dhasheen dalalka Canada iyo Australia waxaana ay la socdeen baabuur ay doonayeen inay  ku gaaraan ceelasha biyaha, waxaana sida la sheegay la socdey maleeshiyo waardiye u ahayd iyadoo ay wararku sheegayaan in laga awood roonaadey waardiyehoodii waxaana sida muuqata laga kaxaystay halkasai iyadoo waliba lala afduubey ninkii turjubaanka u ahaa.

Loogama baranin afduubka wariyeyaasha koonfurta Soomaaliya waxaana dhici jirtay in mararka qaarkood la dilo hase yeeshee in la kaxeysto waa wax aan aad u dhici jirin lamana garanayo halka loo kaxeystey ilaa iyo haatan.

RSTV NEWSROOM

Newsroom@rstvonline.com

13432093

© RSTV 2008. All Rights Reserved