Buurxakaba oo gacanta u gashey kooxaha dowladda ka horjeeda.

Warar aad loo xaqiijiyey ayaa tibaaxaya in magaalda Buurxakaba ay gacan ku haynteeda la wareegeen kooxaha ka horjeeda joogitaanka itoobiya iyo Dowladda KMG ah labadaba, magaaladan ayaa la sheegayaa in aan wax dagaal ahi ka dhicin waxaana ay kooxahani soo galeen xilli habeen ah oo ay dadka intiisa badani hurdaan.

Kooxahaan ayaa markeey soo galeen Magaalada la sheegayaa inay xabsiga ka sii daayeen Maxaabiis ay ku jireen kuwo loo hestay dambiyo dil ah, waxeyna sidoo kale ku amreen dadweynah deegaankaasi ineysan wax dhibaato ah u gaysanin amaanka magaalada isla markaana ay ilaaliyaan degenaanshaha magaalada.

Gaadiidkii u kala gooshi jirey Muqdisho iyo Baysdhabo ayaa la sheegayaa inuu ku yimid hakad waxaana sidoo kale xirmey meheradihii ganacsiga ee magaalada kuwaasi oo markii dambe dib u furmey.

waa markii ugu horeysay ee magaalda Buurxakaba ay gacanta u gasho kooxaha ku kacsan Dowladda KMG ah, dhinac kalena ilaa iyo hada wax hadal ah oo ku adan qabsashada Magaalada Buur-Hakaba kamasoo bixin dhinac Dowlada Somalia.

 

RSTV NEWSROOM

Newsroom@rstvonline.com

13432093

© RSTV 2008. All Rights Reserved