Baaritaan lagu sameeyey Guriga Dr. Abdiqaasim kaasi oo noqonaya kii saddexaad.

Ciidamo ka tirsan dowladda KMG ah ee Soomaaliya ayaa maanta waxaa ay gudaha u galeen guriga Madaxweynihii hore ee Soomaaliya Cabdiqaasin Salaad Xasan, Ciidankaasi ayaa lasheegayaa inay si xooggan u baareen dhamaan gurigaasi iyagoo aan sheegin waxaa ku tuhunsan yihiin guriga.

Baaritaanka la baarey guriga Cabdiqaasin ayaa noqonaya kii saddexaas ee laga fuliyo gurigaasi waxaana ay sheegayaan wararka laga helayo dadka degaanka in gurigaasi aan waxba laga qaadanin ama aan laga helin wax shaki galiyey askastii baaritaanka sameysay.

Ilaa iyo haatan wax qaar ahi kama aanu soo bixin dhinaca Madaxweynihii hore ee Dowladdii lagu soo dhisey Carta waxaana sidoo kale aan jirin war kasoo baxay dhinaca maamulka Banaadir iiyo dowladda Federaalka ah waxaana la filayaa in midkood uu war soo saaro saacadaha soo socda.


Baaritaankii ugu horeeyay ee ciidamada Dowladda ay ka fuliyeen guriga C/qaasim Salaad waxaa raali gelin ka bixiyay Madaxweynaha Dowladda KMG Md. Cabdullaahi Yuusuf Axmed iyo Ra’iisul Wasaarihii hore Prof. Cali Maxamed Geeddi oo hoygiisa ay ku booqdeen C/qaasim.
 

RSTV NEWSROOM

Newsroom@rstvonline.com

13432093

© RSTV 2008. All Rights Reserved