Gabar u dhalatey K/Afrika ayaa noqotey madaxa Xuquuqda Aadamiga ee UN.

Haweeney u dhalatey dalka Koonfur Afrika laguna magacaabo Navanetham Pillay ayaa loo magacaabey inay noqoto gudoomiyaha gudiga sare ee xuquuqda Aadamiga u qaabilsan Qaramada Midoobey.

Ms Pillay waxaa ay badali doontaa Louise Arbour  oo u dhalatey dalka Canada oo iyadu xilkaasi haysey muddo shan sano ah jagadaaasi, waxaana xilka ay kala wareegi doonta marka la isku raaco magacaabisteeda maalinta Isniinta ah.

Navanetham Pillay waa gabar asalkeedu yahay India gaar ahaan dadka Tamiilka ah waxaase ay ku dhalatey magaalada Durban ee dalka Koonfur Afrika waxaana ay wax ku baratey isla K/ Afrika, waxaa kasoo shaqeysay maxkamadaha K/ Afrika iyadoo muddo badan ku soo dhex jirtey dadaaladii la doonayey in dalka K/Afrika loo helo sinaan iyo wada noolaan.

Pillay waxaa ay markii ay aheyd Qareenka ku guuleysatey inay awood u yeelato in ay dacwad loo haystey dad ku jirey xabsiga Jasiiradda Robin Island oo uu ka mid ahaa Nelson Mandela ay helaan dad u dooda oo ka caawiya dhinaca sharciga.

Dalka Mareykanka ayaa la sheegey inuusan raali ka ahayn magacaabisteeda jagadan loo magacaabey hase yeeshee markii dambe way iska fasaxeen waxaana la sheegey inay si caadi ah u wadan doonto xilkeeda marka ay hesho kalsoonida 192 dal ee ku jira Qaramada Midoobey maalinta Isniinta ah.

RSTV NEWSROOM

Newsroom@rstvonline.com

13432093

© RSTV 2008. All Rights Reserved