Kooxo hubeysan oo isku rasaaseeyey meel ka mid ah gobolka Hiiraan.

Kooxo dabley ah ayaa la sheegey inay weerar ku qaadeen maleeshiyo jid gooyo dhigatey meel ku dhow jiirta Qabno, kooxdaasi weerarka qaafey ayaa la sheegey inay halkaasi ku dileen nin ka mid ah dadkii kortaroolka dhigtey waxaana la sheegayaa in hal ruux oo kale uu soo gaarey dhaawac.

Waraarka laga helayo dadka degaanka ayaa tibaaxaya in kooxdii weerarka soo qaadey ay halkaas ka kaxeysteen laba ka mid ah maleeshiyadii isbaaradu u tiiley jiirta qqabno waxaana la sheegey in ay u kaxeysteen dadkaasi dhinaca degaanka Matabaan oo iayadu halkaas u hdow.

Ilaa iyo haatan lama garanayo sababta ay isku dileen maleeshiyaadkaas oo iyagu aan cidna ka amar qaadan amaba aan ka tirsanayn kooxaha isku haya dagaalalda ka jira Soomaaliya gaar ahaan gobolada Koonfurta.

Ma jirtro cid sheegatey dhacdadaas waxaana ilaa iyo haatan laga war sugayaa bal in wax war uu ka soo baxo maamulada ka jira degmooyinka ku dhow halka dagaalku ka dhacey.

RSTV NEWSROOM

Newsroom@rstvonline.com

13432093

© RSTV 2008. All Rights Reserved