Senetor Norm Coleman oo la kulmey qaar ka mid ah wax garadka Soomaaliyeed ee Rochester MN.

Senetor Norman Coleman, kana mid ah mas'uuliyiinta ugu fir-fircoon xisbiga Jamhuuriga ( Republican ) ee Mareykanka iyo Aqalka Senetooradda Mareykanka, lagana soo doorto gobalka Minnesota, ayaa bishaan July 2nd 2008. Wuxuu kulan ku la yeeshay La Quinta Inn, xubno ka tirsan wax garadka Jaaliyada Soomaliyeed ee ku dhaqan magaaladda Rochester ee gobalka Minnesota oo aay ku nool yihiin Soomali fara badan ( Public Town Hall Meeting)

Senetor-ku, wuxuu u sheegay wax garadkii uu la kulmay, in uusan magaaladaan Rochester u imaan olole doorasho, balse uu u yimid inaay isbartaan asaga iyo Jaaliyadda Soomaliyeed ee ku nool Rochester Minnesota, kana aay wada hadlaan guud ahaan dhibaatadda ka taagan adduun weynaha , gaar ahaan arrinta Soomaaliya oo aad u murugsan, mareysane meel laga argagoxo.

Dhammaan ka soo qeyb galayaashii kulankaas waxay aad ugu riyaaqeen erayaddii Mudane Norman Coleman waana u sacab tumeen gees ka gees, waxayna u ballan qaadeen Senetor-ka, ayagoo ku hadlaayay magaca jaaliyadda Soomaliyeed ee ku dhaqan magaaladda Rochester ee Minnesota inaay u codeyn doonaan Senetor Norman Coleman doorashada soo socota oo la qaban doono November 27th, 2008. Inkastoo uusan Senetor-ku , soo hadal qaadin wax olole doorasho ah intii uu halkaas joogay.

Kulankaas waxaa si mutadawacnimo ah ( volunteer) u soo qaban qaabiyey aqoonyahano Soomaliyeed ee ku nool magaalada Rochester oo aay ka dhex muuqanaayeen Eng. Omar Sheikh Ali ( Xaafuun), Cabdi Muuse Maaxeey iyo Eng. Cabdulqadir Omar Ahmed (Shig Shigo) iyo qaar kale.








Mohamoud Ghedi Aw Hilowle
Rochester MN.
 

RSTV NEWSROOM

Newsroom@rstvonline.com

13432093

© RSTV 2008. All Rights Reserved