Shirkadda Telesom Borama oo ka farxisay macaamiisheeda.

Shirkada Isgaarsiinta Telesom Company xarunta Borama ayaa maanta ka farxisay dhamaan macaamiisheeda ku dhaqan magaalada Borama iyo guud ahaan dalka Somaliland.
Maamulka shirkada Telesom Borama Cabdiqaadir Aadan Nuur ayaa Saxaafada Somaliland iyo kuwo dalka Somalia u sheegay inay arrintaan au u sameeyeen soo dhaweynta Technology-da casiga ah ee shirkada lagu soo kordhiyay.

C/raxmaan Max'ud Jaamac "Awgaab" oo kamid ah shaqaalaha shirkada Telesom Borama ayaa Saxaafada isna u sheegay inay shirkada xusul duub ugu jira sidii loo qancin lahaa dhamaan dadweynaha Borama ku dhaqan oo aad u daneynaya inay isticmaalaan adeega isgaarsta casriga ah ee Telesom “The Reliable Choice".

Faarax Maxamed Cabdi oo kamid ah dadweynaha ku dhaqan magaalada Borama oo aan kula kulmay Suuqa isagoo fiirinaya mobilkiisa kulana hadlaya buuro ku yaala galbeedka magaalada oo uu beer ku leeyahay, ayuu sheegay inuu u bagoy adeega shirkada Telesom inay meel walba u gaarsiiyay si howl-yari ah, waxuuna sheegay isagoo magaalada jooga inuu reerkiisa ku daryeelayo adeega Telesom.
“Waxaan kamid ah sheekooyinka aan ku xasuusto Telesom anigoo arkay haweeneey dameer baadiyaha ku wadata oo ku hadleysa Telefoonka Telesom taasoo muujineysa inay Telesom u siman tahay magaalada iyo baadiyaha isla markaana dadweynaha meel kasta oo dhulka Somaliland ka tirsan ku isticmaali karayaan” ayuu yiri Faarax Maxamed.

Si kastaba arintu ha ahaatee, shirkada isgaarsiinta caalamiga ah ee Telesom qeybta Borama oo har iyo habeen u taagan qancinta macaamiisheeda ayaa la filayaa in dhawaan adeegyo casri ah oo aan adduunka intiisa badan soo gaarin keento gudaha Borama.
 

Abdifitahaam Ahmed

RSTV NEWSROOM

Newsroom@rstvonline.com

13432093

© RSTV 2008. All Rights Reserved