Fanaankii Xasan Diiriye Faarax oo ku geeriyoodey dalka Kuwait.

Allaha u naxariistee Xasan Diiriye oo ka mid ahaa Fanaaniinta aadka looga yaqaanno dhulka Soomaalida ayaa waxaa uu ku geeriyoodey magaalada Kuwait ee dadka Kuwait.

Xasan Diiriye waxaa uu muddooyinkan dambe la liitey xanuun ku dhacey oo lagu sheegey inuu ahaa cudurka dhiig karka, waxaana dalka Kuwait uu u joogey daaweyn iyadoo ay halkaasi geeyeen caruurtiisu.

Allaha u naxariistee Xasan Diiriye waxaa uu ka mid ahaa fanaaniintii fara ku tiriska ahaa ee sida la yaabka leh usoo shaac baxay todobaatanaadkii iyadoo uu waliba ahaa nin codkiisa aan laga xiiso dhicin.

Fanaan Xasan Diiriye waxaa uu ka mid ahaa fanaaniinta aan dalka ka bixin intii uu jirey bur burka waxaana intiisa badan ku noolaa magaalada Muqdisho oo uu noloshiisa inteeda badan ku qaatey.

Bahda warbaahinta Soomaalida ayaa si aad ah uga tiiraanyeysan geeridiisa waxaana aanu gaarsiinaynaa qoyskiisa iyo umadda Soomaalida ah Tacsi tiiraanyo leh, isaga waxaan Allaha raxmaanka ah uga baryeynaa inuu jannadii ka waraabiyo. AAMMIIIIN.

RSTV NEWSROOM

Newsroom@rstvonline.com

13432093

© RSTV 2008. All Rights Reserved