Qaar ka mid ah dadkii ka qaxay magaalada Muqadisho dib ugu laabtey guryahoodii.

Qaar ka mid ah dadkii kaqaxay xaafado ku yaalla koonfurta magaalada Muqdisho gaar ahaan agagaarka wadada Sodonka ayaa bilaabay in ay dib ugu soo laabtaan guryahoodii in kastoo la sheegayo in tira ahaan aaney sidaasi u badnayn.

Wararku waxaa ay sheegayaan in dadka soo laabanaya ay u badan yihiin dadkii ku noolaa meelaha ay ka midka yihiin degaanada  Black Sea, Baar ubax, iyo Laba Dhagax, waxaana dadkaasi  ay warbaahinta u sheegeen in ay sabab u tahay soo noqoshadooda ka dib maarkii ay dhibaato kala kulmeen goobihii ay markii hore u qaxeen oo ay soo waajahdey nolol aad u adag.

Dadkaasi ayaa sheegey inay wehel ka dhiganayaan ciidamo madani ah oo dhawaan loo sameeyey Suuqa Bakaaraha oo xaafadahaasi gaaf wareega si ay sugaan nabadda dadka iyo hantida Suuqa Bakaaraha waxaana ay dadku sheegayaan inay meelahaasi ka jiraan xogaa deganaansho oo ay dhaanto sidii ay ahayd markii ay ka qaxeen.

Wajiyada Dadka soo laabanaya ayaa waxaa ka muuqatey farxad aad u weyn waxaana ay aad ugu niyad samaayeen inay guryahooda ku heli doonaan nolol dhaanta tii ay kala kulmeen meelihii ay u carareen oo sida ay sheegeen ay kala kulmeen dhibaato xoog leh iyo waliba cabsi joogto ah.

Daka la sheegay inay soo laabteen ayaa waxaa ay haddana shaki ka qabaan in mar kale ay la kulmaan dagaalo maxaa yeeley Muqdisho waxaa iska sahlan sida dagaal uga qarxo.
 

RSTV NEWSROOM

Newsroom@rstvonline.com

13432093

© RSTV 2008. All Rights Reserved