Dagaalkii Guriceel oo laga soo sheegayo Khasaare badan.

Warar dheeraad ah ayaa ka soo baxaya dagaalkii galabta ka dhacay magaalada guri Ceel ee Gobolka Gal gaduud iyadoo dagaalka laysku adeegsaday hubka nuucyadiisa kala duwan.

Dagaalka galabta ka dhacay magaalada ayaa waxaa ku dhintay ilaa sedax qof oo rayid ah dhaawacna uu soo gaaray 10 kale oo rayid ah,waxaana la ogeyn qasaaraha soo gaaray dhinacyada dagaalamay.

Ciidamada Ethiopia ayaa maalintii labaad waxa ay duqeeyeen magaalada Guri Ceel ee Gobolka Gal gaduud iyadoo qeybo ka mid ah Magaalada uu ka muuqdo raadadkii dagaalka.

Wararka laga helayo magaalada Guri Ceel ee gobolka Galgaduud ayaa waxa ay sheegayaan in dadkii deganaa Magaalada ay isaga guureen kuwaasi oo cabsi ka qaba in wax yeelo ay ka soo gaarto dagaalka ka jira maagaalada Guri Ceel ee Gobolka Gal gaduud.

 

Source: Shabelle.Net

RSTV NEWSROOM

Newsroom@rstvonline.com

13432093

© RSTV 2008. All Rights Reserved