Kulan looga hadlayey nabadda Xuduudda Kenya iyo Soomaaliya oo ka dhacey Libooya.

Kulankan oo looga hadlayay sidii wax looga qaban lahaa kooxaha maleeshiyadka soomaalida ah oo falalka Amni darida ah ka geysta gudaha dalka keenya ayna ka qeybgaleen Mas’uuliyiinta deegaanka Dhoobleey ayaa waxa uu ka dhacay magaalada Libooya Kenya.


Kulankaasi ayaa waxaa ka Qeybgalay Gudoomiyaha Gobolka Waqooyi Bari ee Kenya Josof Mayangi

iyo xaubno uu hogaaminayay Gudoomiyaha degmada Dhoobleey Cali Xeseen (Cali Dheere)


Gudoomiyaha Gobolka Waqooyi Bari ee dalka Kenya ayaa ka codsaday wafdiga ka socda Dhoobleey in ay Gacan ka geeystaan sidii loo soo qabqabanlahaa kooxihii dhawaan weerarka ku qaaday saldhig boolis oo ku yaala gudaha Keenya isla markaana ay ka qaatan hub iyo Gaadiid ay ciidamadaasi ku howlgalayeen, iyagoo la soo galay gudaha deeganka dhoobley.

Gudoomiyha degmada dhoobleey ayaa sheegay inaney iyagu awood u laheyn xakameynta Maleeshiyaadka falkaasi ku kacay,balse ay dadaali doonaan intii ay kari karaan.

Maalmihii ugudanbeeyay ayaa dadka reer dhoobleey waxaa soo wajahday baqdin xoog leh kadib markii ay arkeen diyaaradaha dagaalka ee Keenya oo dul heehabaya deeganaasi kadib markii kooxo meleshiyooyin ah ay la soo galeen deegankaasi hub iyo gaadiid ay ka soo qaateen ciidamada Kenya.

Ma aha markii ugu horeeysay oo waxyeelo loo geeysto ciidamada Kenya dhowr kol oo hore ayaa maleeshiyooyin soomaali ah toogasho ku dileenAskarta ilaalada xadka kala qeybiya labada dal.
 

Allceeldheer.

RSTV NEWSROOM

Newsroom@rstvonline.com

13432093

© RSTV 2008. All Rights Reserved