Sucuudiga oo ku dhawaaqey inuu kordhinayo soo saarka Saliidda.

Boqortooyada Sacuudiga ayaa maanta shaaca ka qaadey inay kordhineyso wax soo saarkeeda dhinaca Batroolka, ku dhawaaqistan ayaa waxaa uu yimid ka dib markii shir caalami ah lagu qabtey magaalda Jiddah kaasi oo lagaga hadlayey dhibaatada ay keentay kor u kaca qiimaha saliidda caalamka oo gaartey heer aan la filaynin.

Wasiirka Batroolka ee Sucuudig Cali Al Naimi ayaa waxaa uu sheegey in dalkiisu uu doonayo in sicirka saliidda la keeno heer macquul ah waxaa kale oo uu sheegey in dalkiisu uu doonayo inuu gaarsiiyo tirada Batroolka uu soo saaro 9.7 million oo Fuusto maalin walba taasi oo ka bilaabaneysa bisha soo socota ee July.

Sucuudiga oo ah dalka ugu weyn dunida marka la eego soo saaritaanka Batroolka ayaa waxaa uu gaarsiinayaa wax soo saarkiisa heerkii ugu sarreeyey tan iyo 1981 oo mar sidan oo kalea uu aad kor ugu uqaadey soo saarista Batroolka.

Aqalka Cad ee Mareykanka ayaa soo dhaweeyey Tallaabada Sucuudigu qaadey waxaana ay ku tilmaameen mid waxa ka tareysa sicirka Saliidda ee maanta maraya meel sare.

Qiimaha la kala siisto Batroolka ayaa waxaa uu marayaa meeshii ugu sarreysay taariikhda waxaana uu noqdey mid laban laab gaarey muddo hal sano gudohood ah waxaana haatan la filayaa inuu hoos u dhaco maalmaha soo socda iyadoo laga yaabo in aanu wax weyn ka badalin marka la fiiriyo sida uu maanta yahay.

RSTV NEWSROOM

Newsroom@rstvonline.com

13432093

© RSTV 2008. All Rights Reserved