Zenawi Asres oo ahaa R/wasaaraha Itoobiya Aabihiis oo ku geeriyoodey magaalada Adwa.

Zenawi Asres oo aabo u ahaa Ra'iisal wasaaraha Itobiya Meles Zenawi ayaa waxaa uu ku geeriyoodey magaalada Adwa ee gobolka Tigre ee dalka Itoobiya.

Zenawi Asres waxaa uu ahaa 83 jir waxaana uu u dhintey xanuun iska caadi ah isla markaana si aad ah looma faahfaahinin geeridiisa waxaana la sheegayaa in lagu aasey isla magaaldaas oo uu wax badan ku noolaa.

Zenawi Asres waxaa uu wakhtigiisa intii badneyd kasoo shaqeeyey Kaniisadaha iyo waliba ururo samafal waxaana sidaasi sheegtey wakaalda wararka ee Itoobiya.

R/wasaaraha Itoobiya iyo qoyskiisa ayaa la sheegey inay ka qeyb galeen aaskii loo sameeyey Zenawi waxaa kale oo xabaasha yimid dad aad u fara badan oo ku nool magaalada Adwa ee gobolka Tigre ee waqooyiga bari ee Itoobiya.

RSTV NEWSROOM

Newsroom@rstvonline.com

13432093

© RSTV 2008. All Rights Reserved