Dabeylo xoogan oo dad ku diley Gobolada Minnesota iyo Iowa ee Mareykanka.

Dabeylo iyo roobab wada socada ayaa waxay dad ku dileen Maanta (Isniin) magaalooyin ka tirsan gobolada Minnesota iyo Iowa. dabeylahaasi oo qaarkood ay la socdeen dhagax sida roobka u da'aya ayaa wax yeello u geystey magaalada Parkersburg oo w/bari kaga toosan magaalda Des Moines oo ah magaalda ugu weyn gobolka Iowa. Sida ay ku warramayaan saraakiisha amaanka ee gobolkaas dadka waxyeeladu soo gaartey ayaa lagu sheegey inay gaarayaan 50 qofood oo intooda badani ay dhaawac yihiin, waxaa kale oo duufaantaasi ay burburisay guryo aad u badan.

Gobolka Minnesota ayaa waxaa sidoo kale ku dhufatey dabeyshaasi waxaana ay si xoog leh u martey duleedka magaalada Saint Paul oo ah xarunta gobolka Minnesota waxaana burburisay xaafada ku yaalla halka lagu magacaabo Hugo, sarkaal u hadley maamulka gobolka Minnesota oo lagu magacaabo Mike Ericson ayaa sheegey in dad gaaraya 20 labaatan la la'yahay waxaana la sheegayaa in guryo gaaraya ilaa 40 guri ay dabeylahaasi wax yeello u geysteen.

Dadkii ku dhaawacmey duufaantaasi ayaa loola cararey Isbitaalka lagu magacaabo Regions Hospital ee magaalada St.Paul.  Roobabka ka da'aya gobollo badan oo Mareykanka ku yaalla ayaa sababa inay dhashaan duufaanno xooggan kuwaasi oo bur bur iyo khasaare gaarsiiya gobolada Mareykanka.

RSTV NEWSROOM

Newsroom@rstvonline.com

13432093

© RSTV 2008. All Rights Reserved